નાણામંત્રી નિર્મલા સીતારમણ લોકસભામાં બજેટ રજૂ કરી રહ્યા છે. તેમણે કહ્યું, ‘ભારતની જનતાએ વડાપ્રધાન મોદીના નેતૃત્વવાળી સરકારમાં તેમનો વિશ્વાસ વ્યક્ત કર્યો છે. તેઓ ઐતિહાસિક ત્રીજી ટર્મ માટે ફરીથી ચૂંટાયા છે. મુશ્કેલ સમયમાં પણ ભારતની અર્થવ્યવસ્થા ચમકી રહી છે.
નિર્મલા સીતારમણનું આ સતત 7મું બજેટ છે. તેમણે કહ્યું, ‘સરકારનું ધ્યાન ગરીબો, મહિલાઓ, યુવાનો અને ખેડૂતો પર રહેશે. સરકાર નોકરીની તકો વધારશે.
વહેલી સવારે નાણામંત્રી સવારે સૌથી પહેલા મંત્રાલય પહોંચ્યા અને અધિકારીઓ સાથે બેઠક કરી. આ પછી તે રાષ્ટ્રપતિ દ્રૌપદી મુર્મુને મળવા રાષ્ટ્રપતિ ભવન પહોંચ્યા, જ્યાં રાષ્ટ્રપતિએ તેને દહીં અને ખાંડ ખવડાવ્યા. આ પછી તે સંસદ ભવન પહોંચ્યા હતા. કેબિનેટે અહીં સંસદ ભવનમાં બજેટને મંજૂરી આપી હતી..
બજેટની મહત્ત્વની વાત
પહેલી નોકરી માટેઃ 1 લાખ રૂપિયાથી ઓછો પગાર હોવા પર, EPFOમાં પહેલીવાર રજિસ્ટ્રેશન કરનાર લોકોને 15 હજાર રૂપિયાની મદદ ત્રણ હપ્તામાં મળશે.
એજ્યુકેશન લોન માટેઃ જે સરકારી યોજનાઓ હેઠળ કોઈ ફાયદો મળી રહ્યો નથી, તેમણે દેશભરના સંસ્થાનોમાં એડમિશન માટે લોન મળશે. લોનના 3 ટકા સુધી રૂપિયા સરકાર આપશે. તેના માટે ઈ વાઉચર લાવવામાં આવશે, જે દર વર્ષે એક લાખ વિદ્યાર્થીઓને મળશે.
સ્પેશિયલ સ્કીમ્સ રાજ્યો માટેઃ બિહાર અને આંધ્રપ્રદેશઃ આંધ્ર પ્રદેશને 15 હજાર કરોડ અને બિહારને 41 હજાર કરોડ રૂપિયાની મદદ. બિહાર, ઝારખંડ, પશ્ચિમ બંગાળ, ઓડિશા અને આંધ્ર પ્રદેશ માટે ઇન્ફ્રાસ્ટ્રક્ચર ડેવલપમેન્ટ માટે ખાસ સ્કીમ
ખેડૂતો માટેઃ 6 કરોડ ખેડૂતોની માહિતી જમીન રજીસ્ટ્રીમાં લાવવામાં આવશે. 5 રાજ્યોમાં નવા કિસાન ક્રેડિટ કાર્ડ જાહેર કરવામાં આવશે.
યુવાઓ માટેઃ મુદ્રા લોનની રકમ 10 લાખ રૂપિયાથી વધીને 20 લાખ રૂપિયા થઈ ગઈ છે. 500 ટોચની કંપનીઓમાં 5 કરોડ યુવાનોને ઇન્ટર્નશિપનું વચન.
મહિલાઓ અને છોકરીઓ માટેઃ મહિલાઓ અને છોકરીઓને લાભ આપતી યોજનાઓ માટે 3 લાખ કરોડ રૂપિયાની જોગવાઈ
સૂર્યધર ફ્રી વીજળી યોજનાઃ 1 કરોડ ઘરોમાં દર મહિને 300 યુનિટ સુધી મફત વીજળી.
શું સસ્તું થયું
- સોનું અને ચાંદી સસ્તા
- પ્લેટિનમ પર કસ્ટમ ડ્યુટીમાં ઘટાડો
- કેન્સર દવાઓ
- મોબાઇલ ચાર્જર
- માછલી ખોરાક
- ચામડાની વસ્તુઓ
- રાસાયણિક પેટ્રોકેમિકલ
- પીવીસી ફ્લેક્સ બેનર
કેન્દ્રીય બજેટ રજૂ કરતા, નાણામંત્રી નિર્મલા સીતારમણે કહ્યું, ‘સરકાર 500 ટોચની કંપનીઓમાં 1 કરોડ યુવાનોને ઇન્ટર્નશિપની તકો પૂરી પાડવા માટે એક યોજના શરૂ કરશે. જેમાં દર મહિને રૂ. 5000નું ઇન્ટર્નશીપ ભથ્થું અને રૂ. 6000ની એકમ સહાય આપવામાં આવશે.
મહિલાઓ અને છોકરીઓ માટે 3 લાખ કરોડ રૂપિયાની ફાળવણી
મહિલાઓ અને છોકરીઓને લાભ આપતી યોજનાઓ માટે 3 લાખ કરોડ રૂપિયાની જોગવાઈ કરવામાં આવી છે. ઈન્ડિયા પોસ્ટ પેમેન્ટ બેંકની 100 થી વધુ શાખાઓ ઉત્તર-પૂર્વ ક્ષેત્રમાં સ્થાપિત કરવામાં આવશે. રાષ્ટ્રની ખાદ્ય સુરક્ષા સુનિશ્ચિત કરવા માટે પોલાવરમ સિંચાઈ યોજના પૂર્ણ કરવામાં આવશે. વિશાખાપટ્ટનમ-ચેન્નઈ ઈન્ડસ્ટ્રીયલ કોરિડોરમાં કોપર્થી વિસ્તાર અને હૈદરાબાદ-બેંગલુરુ ઈન્ડસ્ટ્રીયલ કોરિડોરમાં ઓરવાકલ વિસ્તારના વિકાસ માટે ફંડ આપવામાં આવશે.
ખેડૂતો માટે શું જાહેરાત કરવામાં આવી?
6 કરોડ ખેડૂતો મા ટે જમીનની નોંધણી પર ભાર
કિસાન ક્રેડિટ કાર્ડ 5 રાજ્યોમાં લોન્ચ કરવામાં આવશે
400 જિલ્લામાં ડિજિટલ ખરીફ પાક સર્વે કરશે
કઠોળ, તેલ બીજ વિસ્તરણ પર મિશન શરૂ કરશે
પ્રમાણપત્ર અને બ્રાન્ડિંગ દ્વારા પ્રચાર કરશે
કૃષિ ક્ષેત્ર માટે 1.52 લાખ કરોડ રૂપિયાની ફાળવણી
